រមណីយដ្ឋានទឹកឈូ
មានទីតាំងនៅភូមិស្នំប្រាំពីរ ឃុំម៉ាក់ប្រាង្គ ស្រុកទឹកឈូ មានចំងាយ ៨ គ.ម
ប៉ែកខាងជើងទីក្រុងកំពត ។ ទឹកឈូគឺជាជ្រោះ មួយដែលកើតឡើងពីការប្រសព្វគ្នានៃ
បណ្តាជ្រោះជាច្រើន នៃភ្នំទាំងឡាយរបស់
ប្រជុំភ្នំដំរី ហើយភាពប្រសព្វគ្នានេះបាន បញ្ចប់នៅ តំបន់ទឹកឈូ
រួចហូរតភ្ជាប់ជាមួយព្រែកកំពង់បាយ (ព្រែកកំពត
) ចុះទៅសមុទ្រ ។ តំបន់នេះមានទឹកធ្លាក់តាមជ្រលងភ្នំកំចាយរហូតដល់ ទីរួមខេត្តកំពត ដែលជាប្រភពទឹកសាបយ៉ាងសំខាន់ សម្រាប់ផ្គត់ផ្គង់ដល់ការប្រើប្រាស់របស់ប្រជាពលរដ្ឋនៅជុំវិញទីរួម ខេត្ត។ ទឹកធ្លាក់ថ្លាឈ្វេងមើលឃើញបាតហូររេញៗ ពេលខ្លះហូរខ្លាំងកាត់ផ្ទាំងថ្មដាធំៗបែកផ្កាត្រែងគេអាចធ្វើ ដំណើរឆ្លងកាត់ផ្ទៃទឹកបានតាមរយៈស្ពានយោលមួយខ្សែ ដែលសន្ធឹងខ្លួនរង់ចាំទទួលទេសចរ។ ក្រៅពីការងូតទឹកកំសាន្ត គេក៏អាចគយគន់នូវទេសភាពចម្ការដំណាំហូបផ្លែរបស់ប្រជាពលរដ្ឋនៅអម សងខាងទឹកធ្លាក់នោះផងដែរ ជាពិសេស ចម្ការធូរេនដ៏ល្បីល្បាញរបស់ខេត្តនេះ។
មិនឆ្ងាយពីទីនេះប៉ុន្មាន សួនសត្វ និង សួនដំណាំទឹកឈូបានកំពុងអន្ទងអារម្មណ៍អ្នកទស្សនាឱ្យឈានជើងចេញ មិនរួចក្រោយពីត្រលប់ពីកំសាន្តនៅទឹកធ្លាក់ហើយនោះ។ គេតែងឈៀងចូលទៅមើលសត្វប្លែកៗ ច្រើនប្រភេទរួមទាំងទទួលអារម្មណ៍ស្រស់ថ្លាជាមួយចម្ការដំណាំផ្លែឈើ មានដូចជា ធូរេន សាវម៉ាវ មង្ឃុត ជាដើម។
ភាពក្រវិចក្រវៀននៃជ្រោះទឹកឈូតាមជំរាលនៃបណ្តាភ្នំទាំងឡាយដែលពោរពេញដោយ
ធម្មជាតិលាយឡំគា្ន នោះបានបង្កើតជាសោភ័ណភាពដ៏ត្រកាលអស្ចារ្យ
ចេញពី ធម្មជាតិ គ្មានកែ ច្នៃ ។ ជ្រោះនេះបានពុះជ្រែកជ្រលងភ្នំ បង្កើតបានជាខ្សែទឹកហូរលាន់ឮ រំពងកាត់ព្រៃព្រឹក្សាខួប
ប្រាំង វស្សា លើផ្ទាំងសិលាតូច ធំ ដុះរកេតរកូតពេញ ផ្ទៃជ្រោះជាហេតុធ្វើ អោយទឹកជ្រោះទឹកឈូ
មានភាពត្រជាក់ជាអលជ្ជី ។ នៅរដូវវស្សាភ្ញៀវអាចធ្វើដំណើរតាម ស្ពានយោលឆ្លងកាត់ជ្រោះ ទឹកឈូ ទៅងូតទឹកកំសាន្តនៅក្បាលកោះ ដែលទីនោះផ្តល់នូវសុវត្ថិភាពទាំងស្រុង ព្រមទាំងកុមារ ផងដែរ ។ នៅលើកោះមានដើមរុក្ខជាតិដុះច្រូងច្រាងលើពំនូកខ្សាច់ដ៏សក្បុស
បង្កើតបានជា កន្លែងសំរាកយ៉ាងមនោរម្យ ។ ក្នុងលក្ខណៈសម្បត្តិនៃភូមិសាស្រ្តដ៏ល្អនេះជ្រោះទឹកឈូ បានផ្តល់ អំណោយផលពីធម្មជាតិនូវ
ផលប្រយោជន៍ ៣ សំខាន់សំរាប់មនុស្សជាតិ ៖
- ជារមណីយដ្ឋានធម្មជាតិមួយសំរាប់លំហែកំសាន្តដល់ជនទាំងឡាយពោល
គឺការងូតទឹក ជ្រោះថ្លាឈ្វេងដ៏ត្រជាក់ដោយពុំខ្លាចមានជំងឺគ្រុនចាញ់ឡើយ ។
- ជាកន្លែងដែលផ្តល់ទឹកសំរាប់បមរើការប្រើប្រាស់គ្រប់បែបយ៉ាងតាមតំរូវការនៃ
ជីវព រស់នៅរបស់ប្រជាជននៅតំបន់នោះពិសេសក្រុងកំពត ។
·
ជាកន្លែងដែលអាចសាងសង់វារីអគ្គិសនីបាន ។
នៅតាមដងផ្លូវទៅកាន់រមណីយដ្ឋានទឹកឈូ និងតំបន់ជុំវិញនោះមានចំការដំណាំរាប់ពាន់
ហិកតា ជាពិសេសនោះគឺដំណាំធូរេន ។ តំបន់ទឹកឈូសំបូរទៅដោយផ្លែឈើជាច្រើនប្រភេទ ដូចជា ធូរេន មង្ឃុត
ម្នាស់ សាវម៉ាវ
ក្រូច ទៀប ម៉ាក់ប្រាង្គ ....... ។ល។ ធូរេនជាផ្លែឈើមួយ ប្រភេទ ដែលមានឈ្មោះល្បីជាងគេហើយត្រូវបានគេប្រសិទ្ធិនាមថា
ស្តេចផ្លែឈើ ធូរេនកំពត មានឳជារសឆ្ងាញ់ ជាងធូរេនពីតំបន់នានា ក៏ដូចជាមកពីប្រទេសជិតខាង ។ រដូវធូរេនសំបូរគឺ
ក្នុងខែ ឧសភា - មិថុនា ប៉ុន្តែបច្ចុប្បន្នធូរេនខេត្តកំពតមានស្ទើរគ្រប់រដូវ ។
0 comments:
Post a Comment